ဒီတစ်ချက်ကို မသိဘဲ စပ်တူလုပ်ငန်း မစပါနဲ့။‼️
လုပ်ငန်းတစ်ခုကို Partner နှစ်ယောက်စပ်တူ စလုပ်တဲ့အချိန်မှာ
အများစုက “အချင်းချင်းယုံကြည်တာပဲ၊ ဘာမှသတ်မှတ်ထားစရာမလိုပါဘူး” ဆိုပြီး အလွယ်လေးစလိုက်ကြတယ်။
အစပိုင်းမှာတော့ အဆင်ပြေပါတယ်။
Customerကလည်းများများစားစား မရှိသေးတော့ဝန်ထမ်းအများကြီး မလိုသေးဘူး။
ဒီတော့ကုန်ကျစရိတ်နည်းသေးတယ်။
ဒါပေမယ့်…
လုပ်ငန်းကကြီးလာပြီ။
Service ပေးရမယ့် Customer တွေများလာပြီ။
လုပ်ငန်းကိုလည်း ထပ်တိုးချဲ့ဖို့ လိုလာပြီဆိုရင်
ဆုံးဖြတ်ချက်တွေတောက်လျှောက်ချရတော့မယ် ။
ဝန်ထမ်းခန့်အပ်ဖို့ ထုတ်ကုန် အသစ်ထုတ်ဖို့ Stock မှာယူစုဆောင်းဖို့ Marketing budget တွေ သုံးစွဲဖို့ စသဖြင့် စဉ်းစားရတော့မယ်။
ဒီအချိန်မှာ ကိုယ်နဲ့ ပါတနာကြား သဘောထားတွေကွဲလွဲ နေရင်
လုပ်ငန်းက ရှေ့ဆက်ဖို့နှောင့်နှေးလိမ့်မယ်။
ဥပမာ—
ဝန်ထမ်းတစ်ယောက် ခန့်ဖို့လိုတယ်ဆိုပါစို့။
Partner A က “ခန့်မယ်” Partner B က “မခန့်သေးဘူး”
ဒီလိုဖြစ်လာရင် ဝန်ထမ်းတစ်ယောက်ခန့်ဖို့တောင်Partner နှစ်ယောက် ထိုင်အငြင်းပွားရမယ်။
ဒီတော့ဆုံးဖြတ်ချက် နှောင့်နှေးပြီးအချိန်ကုန်တယ်။
ပိုဆိုးတာက—
တစ်ယောက်ယောက်ရဲ့အမြင်ကို ဆန့်ကျင်ပြီးတော့ ဆုံးဖြတ်လိုက်ရတော့
နှစ်ယောက်ကြား ဆက်ဆံရေးတွေကြဲပြီး မခေါ်နိုင်၊ မပြောနိုင်တဲ့အခြေနေတဲ့ အဆုံးသတ်ရသွားတတ်တယ်။
ဒါကြောင့် စပ်တူလုပ်ငန်းလုပ်တော့မယ်ဆိုဘယ်လောက်ပဲရင်းနှီးတဲ့မိတ်ဆွေတွေဖြစ်ပါစေ..
လုပ်ငန်းမစခင်ကတည်းက—
Sales နဲ့ပတ်သက်ရင် ဘယ်သူဆုံးဖြတ်မလဲ...❓ Marketing နဲ့ပတ်သက်ရင် ဘယ်သူဆုံးဖြတ်မလဲ...❓ Finance နဲ့ပတ်သက်ရင် ဘယ်သူဆုံးဖြတ်မလဲ..❓ Hiring နဲ့ပတ်သက်ရင် ဘယ်သူဆုံးဖြတ်မလဲ..❓
ပြီးတော့…
ဘယ်ကိစ္စတွေမှာ နှစ်ယောက်လုံး သဘောတူမှ ဆုံးဖြတ်မလဲ။
ဒါတွေကို ကြိုတင်သတ်မှတ်ထားပါ။
ဒီနေ့ ပွင့်ပွင့်လင်းလင်း သတ်မှတ်ထားခြင်းက
နောက်တချိန် Partner နှစ်ယောက်ကြား ဖြစ်လာနိုင်တဲ့ မလိုလားအပ်တဲ့ ပဋိပက္ခတွေကို ကာကွယ်ပေးနိုင်ပါတယ်။
စပ်တူ လုပ်ငန်းဟာ လုပ်တတ်ရင် တစ်ယောက်ထဲလုပ်တာထက် အရှိန်အများကြီးပိုမြန်တယ် ၊ ပိုကြီးထွားနိုင်ပေမယ့် မလုပ်တတ်ရင်တော့ ကိုယ့်ကို အများကြီးပင်ပန်းခက်ခဲစေပါလိမ့်မယ် ။
ကိုယ်ငွေနဲ့ကိုယ် ဒုက္ခမရောက်ချင် ရင် စပ်တူလုပ်ငန်း မလုပ်ခင် Rule တွေကို သေချာပေါက်လေ့လာပါ၊ စနစ်တကျ ပြင်ဆင်ပြီးမှ စတင်ပါ။
ဉာဏ်လင်းအောင် Unlock Your Future
